رمیز راجا نے ٹی ٹوئنٹی ورلڈ کپ کیلئے اوپننگ جوڑی بتا دی

پاکستان کے سابق کرکٹر اور کمنٹیٹر رمیز راجا نے بابر اعظم اور محمد رضوان کو آئندہ 2024 ٹی ٹوئنٹی ورلڈ کپ میں پاکستان کے لیے بہترین اوپننگ جوڑی قرار دیا ہے۔

ورلڈکپ جون میں امریکا اور ویسٹ انڈیز کے مقامات پر ہونے والا ہے۔

اپنے یوٹیوب چینل پر بات کرتے ہوئے رمیز راجا نے نیوزی لینڈ کے خلاف پاکستان کی مایوس کن T20I سیریز کے بعد اپنے خیالات کا اظہار کیا۔

انہوں نے کہا کہ مجھے اب بھی یقین ہے کہ پاکستانی ٹیم کے پاس فراہم کرنے کے لیے بہت سے جوابات ہیں سیریز نے کوئی جواب یا مسائل حل نہیں کیے ہیں بلکہ انھیں نمایاں کیا ہے اور انہیں سامنے لایا ہے۔

ان کا کہنا تھا کہ ہماری اوپننگ جوڑی بے ترتیب ہے وہ [صائم ایوب] پہلے دو میچوں میں اپنی تکنیک کے ساتھ کھیلتا ہے، پھر اگر وہ ناکام ہو جاتا ہے تو وہ تیسرے میچ میں اپنی تکنیک کو تبدیل کرنے کی کوشش کرتا ہے جس سے اس کے لیے چیزیں مزید مشکل ہو جاتی ہیں۔ بابر نے جو کامیابیاں حاصل کیں وہ ابتدائی سالوں میں ایسی تھیں، ان کے پاس ٹیلنٹ تھا لیکن ان میں اعتماد اور تجربے کی کمی تھی۔

پی سی بی کے سابق چیئرمین کے مطابق بابر اور رضوان کی تجربہ کار جوڑی میں واپس آنے سے وہ استحکام اور بھروسہ مل سکتا ہے جس کی پاکستان کو اننگز کے آغاز میں ضرورت تھی۔