محکمہ موسمیات نے جھکڑ چلنے اور بارشوں کے حوالے سے پیشگوئی کردی

محکمہ موسمیات کا کہنا ہےکہ پنجاب اور کے پی میں چندمقامات پر موسلا دھار بارش کےساتھ ژالہ باری بھی متوقع ہے،اسلام آباد میں شام کو ژالہ باری اور موسلا دھار بارش ہوسکتی ہے،اس کےعلاوہ شمالی بلوچستان، جنوبی پنجاب اور بالائی سندھ میں بھی بارش کا امکان ہے۔

لاہورمیں گزشتہ رات ہونےوالی بارش اورآندھی کے باعث گرمی کی شدت میں کمی ہوئی ہے،لاہورکا زیادہ سے زیادہ درجہ حرارت سینتس ڈگری ریکارڈکیے جانےکا امکان ہے،محکمہ موسمیات نے اگلے چوبیس گھنٹوں میں مزید بارش کی پیشگوئی کی ہے۔

دوسری جانب محکمہ موسمیات نےکراچی میں مطلع جزوی ابرآلود رہنے کا امکان ظاہر کیا ہے، آج زیادہ سے زیادہ درجہ حرارت تینتیس سےپینتیس ڈگری سینٹی گریڈ تک جانے کا امکان ہے،کراچی میں کم سےکم درجہ حرارت ستائیس ڈگری سینٹی گریڈ ریکارڈ کیا گیا،جنوب مغربی سمت سےنوکلومیٹر فی گھنٹہ کی رفتارسےہوائیں چل رہی ہیں۔