میئر لندن صادق خان پاکستانی ٹیم میں کس کھلاڑی کے مداح ہیں؟

رپورٹ کے مطابق میئر لندن نے کہا کہ مجھے فخر ہے کہ پاکستانی ٹیم ایک بار پھر لندن کھیلنے آئی ہے، پاکستانی ٹیم جیتے یا انگلینڈ دونوں صورتوں میں یہ ہماری فتح ہے۔

صادق خان نے کہا کہ بابر اعظم بہترین فارم میں ہے، نہ صرف پاکستان میں بسنے والے بلکہ اوورسیز پاکستانیوں کی نظریں بھی ٹیم پر ہیں۔ ٹیم کی بولنگ دیکھ کر مجھے وقار اور وسیم یاد آتے ہیں۔

دوسری جانب چیئرمین پی سی بی محسن نقوی کا کہنا ہے کہ قومی ٹیم کے کھلاڑیوں کامورال زبردست ہے، قوم سے درخواست ہے ٹیم کو ایک مہینہ دیں، ٹیم جیت کر آئیگی۔

چیئرمین پی سی بی محسن نقوی کا لندن میں میڈیا سے بات کرتے ہوئے کہنا تھا کہ کھلاڑیوں کے ذہن میں بس ایک بات ہو کہ قوم ہمارے ساتھ ہے تو وہ جیت جائیگی۔

انہوں نے کہا کہ ٹیم ایک میچ ہارجائے تو پوسٹ مارٹم ہوتا ہے، ورلڈکپ کے بعد جومرضی کر لیں، چیئرمین پی سی بی محسن نقوی نے ورلڈکپ تک قوم کو ٹیم پر تنقید نہ کرنے کی درخواست کی۔

محسن نقوی نے کہا کہ 4 ہفتے تک ٹیم فائنل میں ہوگی، اس وقت تک کھلاڑیوں کاساتھ دیں، کل انشااللہ پاکستان جیتے گا، میچ جیتنے کیلئے 200 اسکور ہونے چاہئیں۔