عدالت کا سابق وزیر اعظم آزاد کشمیر تنویر الیاس کو رہا کرنے کا حکم

سیشن عدالت میں سابق وزیر اعظم آزاد کشمیر تنویر الیاس پر ڈپلومیٹک پاسپورٹ کےغیرقانونی استعمال کے کیس کی سماعت ہوئی۔

جوڈیشل مجسٹریٹ نے تنویر الیاس کی ضمانت بعد ازگرفتاری کی درخواست پر سماعت کی، ایف آئی اے حکام نے کیس کا ریکارڈ عدالت میں پیش کیا۔

ایف آئی اےپراسیکیوٹر کی جانب سے سابق وزیر اعظم آزاد کشمیر کی ضمانت کی مخالفت کی گئی، تاہم سیشن عدالت نے تنویر الیاس کی ضمانت منظور کرلی۔

جوڈیشل مجسٹریٹ عباس شاہ نےایک لاکھ کےمچلکوں کےعوض ضمانت منظورکی اور سابق وزیر اعظم آزاد کشمیر کو رہا کرنے کا حکم دے دیا۔

یاد رہے 19 مئی کو مارگلہ پولیس نے سابق وزیراعظم آزاد کشمیر کو توڑ پھوڑ کے الزام میں گرفتار کیا تھا۔

تنویر الیاس کے خلاف ایک کمپنی کے دفتر میں توڑ پھوڑ کا الزام تھا ، جس کا مقدمہ تھانہ مارگلہ میں درج تھا۔