جنرل عاصم منیر کااعزاز اور مباکبادیں

حکومت پاکستان کی جانب سے معرکہ حق، آپریشن بنیان مرصوص کی اعلیٰ حکمتِ عملی اور دلیرانہ قیادت کی بنیاد پر ملک کی سلامتی کو یقینی بنانے اور دشمن کو شِکست دینے پر پاک فوج کے سربراہ جنرل عاصم منیر کو فیلڈ مارشل کے عہدے پر ترقی۔ اس کے ساتھ ساتھ ایئر چیف مارشل ظہیر احمد بابر سدھو کو مدت ملازمت پوری ہونے کے بعد بطور پاکستان ایئرفورس کے سربراہ اپنی خدمات جاری رکھنے کا اعلان کیا ہے۔
وزیر اعظم آفس سے جاری ہونے والی ایک پریس ریلیز کے مطابق ان اہم فیصلوں کی منظوری منگل کے دن وزیر اعظم شہباز شریف کی سربراہی میں ہونے والے وفاقی کابینہ کے اجلاس کے دوران دی گئی ہے۔
وزیر اعظم آفس سے جاری ہونے والے بیان میں کہا گیا ہے کہ ’حکومت پاکستان کی جانب سے معرکہ حق، آپریشن بنیان مرصوص کی اعلیٰ حکمتِ عملی اور دلیرانہ قیادت کی بنیاد پر ملک کی سلامتی کو یقینی بنانے اور دشمن کو شِکست دینے پر جنرل سید عاصم منیر کو فیلڈ مارشل کے عہدے پر ترقی دینے کی منظوری دی گئی ہے۔‘
اس بیان میں مزید کہا گیا ہے کہ وفاقی کابینہ نے قرار دیا کہ ’چیف آف آرمی سٹاف جنرل سید عاصم منیر نے مثالی جرات اور عزم کے ساتھ پاکستان فوج کی قیادت کی اور مسلح افواج کی جنگی حکمتِ عملی اور کاوشوں کو بھرپور طریقے سے ہم آہنگ کیا۔ اور آرمی چیف کی بے مثال قیادت کی بدولت پاکستان کو معرکہ حق میں تاریخی کامیابی حاصل ہوئی۔
اس ضمن میں وزیر اعظم آفس کی جانب سے مزید بتایا گیا ہے کہ ’وزیرِ اعظم شہباز شریف نے صدر مملکت آصف علی زرداری سے ملاقات کرکے انھیں اس فیصلے کے حوالے سے اعتماد میں لیا۔‘
بیان کے مطابق ’حکومت نے ایئر چیف مارشل ظہیر احمد بابر سدھو کی مدت ملازمت پوری ہونے پر ان کی خدمات کو جاری رکھنے کا بھی متفقہ فیصلہ بھی کیا ہے۔‘
وفاقی کابینہ نے یہ بھی فیصلہ کیا کہ ’افواج پاکستان کے افسران و جوان اور مختلف شعبوں سے تعلق رکھنے والے پاکستانی شہریوں کو آپریشن بنیان مرصوص کے دوران ان کی خدمات کے اعتراف میں اعلیٰ سرکاری ایورڈز سے نوازا جائےگا

وزیر اعظم آفس سے جاری ہونے والے بیان کے بعد پاکستانی فوج کے شعبہ تعلقات عامہ کی جانب سے جاری کردہ پریس ریلیز میں جنرل عاصم منیر کی جانب سے کہا گیا ہے کہ ’یہ اعزاز پوری قوم، افواجِ پاکستان، خاص کر سول اور ملٹری شہدا اور غازیوں کے نام وقف کرتا ہوں۔‘

آئی ایس پی آر کی جاری کردہ بیان کے مطابق انھوں نے مزید کہا کہ ’صدر پاکستان، وزیرِ اعظم اور کابینہ کے اعتماد کا شکر گزار ہوں۔ یہ اعزاز قوم کی امانت ہے جس کو نبھانے کے لیے لاکھوں عاصم بھی قربان ہیں۔ یہ انفرادی نہیں بلکہ افواجِ پاکستان اور پوری قوم کے لیے اعزاز ہے۔‘
یہاں سوال یہ ہے کہ یہ عہدہ کیا ہوتا ہے اور لوگ پوچھ رہے ہیں کہ اس حکومتی فیصلے کے کیا اثرات مرتب ہو سکتے ہیں۔
اس حوالے دفاعی ماہرین کا کہنا ہے کہ دراصل فیلڈ مارشل کا رینک ایک فائیو سٹار جرنیل کا رینک ہوتا ہے اور یہ حکومت کی جانب سے فوج کے سربراہ کی غیر معمولی خدمات کے اعتراف میں دیا جاتا ہے۔‘
یاد رہے کہ اس سے پہلے پاکستان کی تاریخ میں جنرل ایوب خان وہ واحد آرمی چیف تھے جنھیں یہ عہدہ اس وقت ملا تھا جب وہ صدرپاکستان بھی تھے۔
امریکہ، نیٹو ممالک کی افواج اور برطانیہ میں فوج کے سربراہان بھی پاکستان کی طرح فور سٹار جرنیل ہوتے ہیں۔ ان افواج میں بھی بری افواج کے سربراہوں کو فیلڈ مارشل کے عہدے دینے کی مثالیں سامنے آتی رہی ہیں۔ہمارے پڑوسی ملک بھارت میں بھی مارشل اور’فیلڈ مارشل کے عہدےموجود ہیں ‘ 71 کی جنگ بعد اس وقت کے کے آرمی سربراہ سہم مانیکشا کو اس عہدے پر ترقی دی تھی اس رینک سے افسر کو مزید اختیارات یا مراعات تو نہیں ملتیں مگر یہ ان کی ملک کے لیے خدمات کو سراہنے کا ایک ذریعہ ہوتا ہے۔‘
یاد رہے انڈیا سے جنگ بندی کے بعد وزیراعظم شہباز شریف نے فوجی جوانوں اور افسران سے خطاب کرتے ہوئے یہ کہا تھا کہ ’ہم نے انڈیا سے 1971 کی جنگ کا بدلہ لے لیا ہے۔‘ انھوں نے اس خطاب میں یہ بھی کہا تھا کہ وہ ذاتی طور گواہ ہیں کہ کس طرح فوج کے سربراہ عاصم منیر نے انڈیا کے خلاف ایک کامیاب جنگی حکمت عملی بنائی۔
اس تقریر کے بعد ٹی وی مباحثوں میں بھی یہ چہ میگوئیاں شروع ہو گئی تھیں کہپاک فوج کے سربراہ جنرل عاصم منیر کو حکومت فیلڈ مارشل کے عہدے پر ترقی دے سکتی ہے اور ایسا ہی ہوا۔
حکومت دراصل جنرل عاصم منیر کو اس عہدے پر ترقی دے کر یہ پیغام دے رہی ہے کہ اس نے مختصر جنگ میں بڑی کامیابی حاصل کی ہے اور اب اس کے فوج کے سربراہ اگر آرمی سے ریٹائر بھی ہو گئے تو پھر بھی وہ اِدھر ہی تاحیات یونیفارم میں اپنی خدمات انجام دے سکتے ہیں۔‘
جو کسی بھی یونیفارم پرسن کیلیے انتہائی اعزاز کا مقام ہے۔
صدر مملکت، وزیر اعظم، وزرائے اعلیٰ، گورنرز اور دیگر سیاسی و حکومتی شخصیات نے جنرل سید عاصم منیر کو دلی مبارک باد پیش کی ہے۔
صدر مملکت آصف علی زرداری اور وزیر اعظم نے عہدے میں ترقی پانے پر مبارک باد پیش کرتے ہوئے سید عاصم منیر کی خدمات کا ایک بار پھر اعتراف کیا ہے۔
وفاقی وزرا، چیئرمین جوائنٹ چیفس آف اسٹاف کمیٹی اور سروسز چیفس کی جانب سے جنرل سید عاصم منیر کو فیلڈ مارشل کے عہدے پر ترقی پانے پر مبارک باد دی ہے۔ صدر مملکت آصف علی زرداری نے جنرل سید عاصم منیر کو فیلڈ مارشل کے عہدے پر ترقی پانے پر مبارکباد دیتے ہوئے کہا ہے کہ فیلڈ مارشل کا عہدہ وفاع وطن کیلیے آپ کی خدمات کا اعتراف ہے۔
صدر مملکت نے اپنے بیان میں کہا کہ جنرل سید عاصم منیر نے بلااشتعال بھارتی جارحیت کا بھرپور جواب دینے ،  دشمن کے مکروہ عزائم ناکام بنانے پر اُن کے کے کردار کو سراہا۔
انہوں نے کہا