پاکستانی قوم کو افواج پاکستان کی جانب سے عید کی مبارکباد

آئی ایس پی آر کے مطابق اپنے پیغام میں افواج پاکستان کے سربراہان نے کہا کہ اس پر مسرت موقع پر آئیے اپنے قومی ہیروز کے غیر متزلزل حوصلے کو یاد رکھیں، یہ ہیرو پاکستان کی مسلح افواج اور قوم کیلئے مشعل راہ ہیں، ہم ان بہادروں اور ان کے اہل خانہ کی قربانیوں کیلئے ہمیشہ شکر گزار ہیں۔

عیدالفطر کے حوالے سے اپنے پیغام میں افواج پاکستان نے قوم کو مخاطب کرتے ہوئے مزید کہا کہ شہداء نے مادر وطن کی حفاظت اور خودمختاری کو یقینی بنانے کیلئے اپنی جانوں کا نذرانہ پیش کیا، پاکستان کے ان شہداء کو خراج عقیدت پیش کریں۔