پنجاب بار کونسل کا کل ماتحت عدالتوں میں ہڑتال کا اعلان

پنجاب بار کونسل نے کہا کہ کل پنجاب کی ماتحت عدالتوں میں ہڑتال کی جائے گی۔

اس حوالے سے پنجاب بار کونسل کی جانب سے جاری بیان میں کہا گیا کہ پنجاب بار کونسل نے وکلا پر 8مئی کے تشدد اور دہشت گردی کے مقدمات کے خلاف ہڑتال کا اعلان کیا ہے۔

انہوں نے کہا کہ کل ماتحت عدالتوں کا مکمل بائیکاٹ کیا جائے اور کوئی وکیل عدالت پیش نہ ہو۔

اس سلسلے میں تمام ضلعی بار کونسل کے صدور اور سیکریٹریز کو ہدایت کی گئی ہے کہ وہ ہڑتال کو یقینی بنائیں اور خلاف ورزی کرنے والوں کے خلاف تادیبی کارروائی ہوگی۔