تسنیم کوثر عمر عزیز کے ساٹھ برس گزر گئے۔۔۔اور ان ساٹھ برسوں میں کیسے کیسے مہربان،بے مہر ہوئے، بہت سے حسین ساتھچھوٹ گئے، قربتیں دوریوں میں ڈھل گئیں اور ملن نے فراق کی چادر تان لی۔اب تو ماضی کے ہیولے ہیں ،شفیق ہستیوںکی جدائی کے دکھ ہیں، پچھتاوے کے آنسو ہیں جوآپ ہی آپ پلکیں بھگو جاتے ہیں۔کبھی کبھی جب اچانک دبےپا ںاداسی مجھے اپنی لپیٹ میں لے لیتی ہے اور بہت سی کھٹی میٹھی یادیں مجھ پہ سایہ فگن ہونے لگتی ہیں تو میںسوچتی ہوں! کہاں ہیں وہ سب؟ دیکھتی ہوں تو اپنی خالی ہتھیلیوں پر ان گنت کچے پکے رنگوں کی بنت دکھائی دیتیہے۔ وہ سب صورتیں جو کہیں دور جا کے چھپ گئیں،وہ ہاتھ جو ہاتھوں سے چھوٹ گئے اوروہ اپنے جواب میرے پاستو نہیں مگر میرے دل و دماغ سے محو بھی نہیں ہو پاتے۔زندگی کے تپتے صحرا میں دور تک ابر کا سایہ نہیں،مہر کیبارش کا کوئی چھینٹا نہیں،لے دے کے بس یہی ماضی کے کچھ ریشمی سرسراتے پل ہیں،کچھ شبنمی یادوں کی دھنکہے، پچھتاووں کے آنسو ہیں اور میں ہوں۔بیٹھے بیٹھے یونہی کبھی اچانک ایک یاد جھروکا کھل جاتا ہے جہاں میرےبچپن کی انوکھی دنیا ہے جو میری زندگی کے اماوس میں جگنو کی مانند چمک رہی ہے۔بچپن کی یہ انوکھی دنیااپنےاپنے انداز میں ہر بچہ اپنے ذہن میں آباد کر لیتا ہے۔ اس کی یہ دنیا اپنے ارد گرد کے ماحول سے وجود میں آتی ہے اوراس کی خوابناک دنیا کو جگمگا جاتی ہے۔بچوں کی دنیا کی اس تخلیق میں سب سے اہم کردار کہانیاں ادا کرتی ہیں۔کہانیوں سے بچوں کا ناتا سکول کی دنیا سے بہت پہلے ہی جڑ جاتا ہے جب وہ اپنے پیاروں کی گود میں دبک کررنگبرنگی داستانیں سنتا ہے۔ ہمارے دور کے ہر بچے نے یقیناً اپنے گھر کی بڑی بوڑھیوں سے بہت سی کہانیاں سن رکھیہوں گی جس میں کچھ کہانیاں تو اخلاقی اور اصلاحی ہوں گی البتہ کچھ کہانیوں میں بادشاہ،جادوگر،دیو اور پریوں کاذکر بھی سن رکھا ہو گا۔میرا بچپن بھی انہی کہانیوں کے سحر میں گزرا تھا۔میں نے اپنی دادی اماں تو نہیں دیکھیتھیںہاں میری نانی اماں اور ابا جان نے مجھے بہت سی کہانیاں سنائی تھیں۔ میری نانی اماں کی کہانی ہمیشہ ”ایک تھابادشاہ“سے شروع ہوتی تھی اور میرے ابا جان مجھے اکثر”اولو من“کی کہانی سناتے تھے۔”اولومن،بولو من،کنڈیکھولو من “کی یہ کہانی میں نے بچپن میں اتنی بار سنی تھی کہ ازبر ہو گئی تھی مگر اس کے باوجود میں ابا جان سےاسی کہانی کو سننے کی فرمائش کیا کرتی تھی۔ ان کی گود میں دبک کر، ان کے سینے سے لپٹ کر سنی ہوئی یہ کہانیکچھ یوں میرے لہو میں سرایت کر گئی تھی کہ اب اتنے برس گزر جانے کے بعد بھی مجھے اپنے کانوں میں اس کہانیکی گونج سنائی دیتی ہے۔ ساتھ ہی ذہن میں اس کہانی کے تین بکری کے بچوں کے مرکزی کرداروں کے نام جگمگانےلگتے ہیںجنھیں ان کی بکری ماں ”اولومن،بولو من،کنڈی کھولو من “کہہ کر پکارا کرتی تھی اور پھر اس کے بعد کہانیڈرامائی شکل میں میرے سامنے آ کرکھڑی ہو جاتی ہے۔ تب مجھے اس کہانی کی کچھ خاص سمجھ تو نہیں آتی تھی مگراولومن، بولو من،کنڈی کھولو من کے مترنم لفظ مجھے بہت اچھے لگتے تھے اور پھرابا جان کہانی سناتے بھی تو بہتاچھے انداز میں تھے۔ کہانی سنتے سنتے مجھے نیند آ جاتی مگر پھر ایک دم ہڑبڑا کے میں اٹھ بیٹھتی تھی اوراپنے اباجان کو ٹٹولتی تھی۔ جب انہیں اپنے ساتھ پاتی تھی تو اطمینان سے دوبارہ سو جاتی تھی ۔ایسا اکثر ہوتا تھا کہ ابا جانمجھے سوتا ہوا چھوڑ کے گا¶ں کا رخ کر لیتے تھے اورآنکھ کھلنے پر جب میں اپنے ابا جان کو اپنے پاس نہیں دیکھتیتھی تو بلک بلک کر رونے لگتی تھی۔میںاپنے ابا جان سے دور نہیں رہنا چاہتی تھی مگر ان کا جانا بھی لازم ٹھہرتا تھااور میرارونا دھونا اور ضد کرنابھی اک معمول بن گیا تھا۔ایسے میںکبھی اماں مجھے بہلانے لگتیں اور کبھی تایاداداچونی دے کر خوش کرنے کی کوشش کرتے مگر میری یہی ضد کہ ابا جان کیوں چلے گئے؟میں ان خوش بختوںمیں سے ہوں جن کا بچپن اپنے بڑوں کے لاڈ پیار کے ہلکورے لیتے، ان سے اپنی ضدیں منواتے ہوئے اورنخرےدکھاتے گزرا۔گھر بھر کے لاڈ پیار نے مجھے کچھ ضدی بنا دیا تھا۔ پیار تو سارا گھر کرتا تھا مگر میں ابا جان کی ذاتمیں ہی پناہ ڈھونڈتی تھی۔ امی جان کہتی تھیں کہ میری ننھی ننھی ہتھیلیاں تھام کر مجھے چلنا ابا جان نے سکھایا تھا۔اپنے مضبوط بازوں میں لے کر ہوا میں پہلی بار مجھے ابا جان نے ہی اچھالا تھا،میرے لبوں پر پہلی بار ٹوٹے پھوٹےحرفوں میں اب ب ا کا لفظ سن کر انہوں نے خوشی سے تالیاں بجائی تھیں۔ نیند میں بے سدھ میرے وجود کو اپنے ساتھچمٹا کر انہوں نے پیار کیا تھا۔ میری گڑیا جب میرے شرارتی تایا زاد نے توڑ ڈالی تھی تو ابا جان نے ہی مجھے دلاسہدیا تھا اور جب کلاس میں میری پہلی پوزیشن نہیں آئی تھی تو اس شکست پر غمزدہ دیکھ کر ابا جان نے ہی مجھے چپکروایا تھا۔ بچپن کی سوچ بس اتنی ہی ہوتی ہے کہ اباجان ہر روز ہمارے پاس کیوں نہیں ہوتے ۔تب یہ خبر نہیں ہوتی کہباپ ایک ایسی ہستی ہے جو اولاد کے لیے اپنا جیون تیاگ دیتا ہے،بچوں کے بہتر مستقبل کے لیے اپنی جوانی دا پر لگادیتا ہے اور روزی روٹی کے لیے بچوں سے دوری برداشت کرتا ہے۔میں نے بھی اپنے ابا جان کو تیز چلچلاتی دھوپمیں کھیتوں میں کام کرتے دیکھا تھا،گندم کی کٹائی کرواتے دیکھا تھا،کبھی پانی میں کھڑے ہو کر دھان لگاتے ہوئےانہیں دیکھا اور کبھی بیلوں کی جوڑی کے ساتھ گھوم گھوم کر ہل چلاتے دیکھا۔اس وقت تھریشر نہیں ہوا کرتے تھےاور نہ ہی دیگر مشینیں اور زرعی آلات زمین داروں کی پہنچ میں آئے تھے تب گا¶ں کی عورتیں چھاج بھر تیں اور اسسے ہوا کے رخ پر اوپر سے نیچے کی طرف گراتیں، جس سے بھوسہ اور گندم الگ الگ ہو جاتا تھا۔شام ہوتے ہی اباجان ہم سب بچوں کو اپنے ہالے میں لئے امیر خسرو کی پہیلیاں بجھوانے لگتے تھے۔امیر خسرو کا نام پہلی بار ابا جانکی معرفت ہی میری سماعتوں سے ٹکرایا تھا۔ہمیں یہ پہیلیاں بہت گنجلک لگتی تھیں اور ہم سارے کزنز یونہی بس ٹامکٹوئیاں مارتے اور پہیلیاں بوجھنے کی کوششیں کرتے مگر ناکام رہتے تو پھر ہتھیار ڈال دیتے،ہار مان لیتے اور جبہمیں جواب معلوم ہو جاتا تو اگلے روز سکول جا کر اپنے ہم جماعت ساتھیوں پر اپنی ذہانت کی دھاک بٹھاتے تھے۔مجھے گرمیوں کی چھٹیوں کا صرف اس لیے انتظار رہتا تھا کہ میں بہت دنوں تک اپنے ابا جان کے ساتھ رہوں گی۔ امیجان کی ڈانٹ سے بچ جا¶ں گی،،اپنے گا¶ں کی کھلی فضا¶ں میں سکھیوں کے ساتھ جھولے جھولوں گی،ٹپے ماہیئےگا¶ں گی اور گولے پار جا کے چاچے خوشی محمد کے گھر ڈیلے کا اچار کھا¶ں گی،ریل کی کوک سنوں گی،مالی باباسے نظر بچا کے اپنے باغ کے گدرے گدرے جامن اور کچے پکے امرود توڑوں گی ۔اپنے گا¶ں کا تصور ہی مجھےسرشار کر دیتا تھا۔ گا¶ں میں تا حد نظر پھیلی سر سبز کھیتیاں مجھے بہت اچھی لگتی تھیں جہاں نور کے تڑکے دودھبلونے کی آواز سے میری نیند ٹوٹتی تھی۔ا با جان نمبردار تھے اورسر شام ہماری حویلی کے باہر چوپال سج جاتی تھیجہاں گا¶ں بھر کے مسئلے زیر بحث لائے جاتے تھے مگر جونہی ریڈیو پر تلقین شاہ کی آواز گونجتی تھی، پورےچوپال پر سناٹا چھا جاتا تھا۔ابا جان مجھے ہمیشہ اپنے ساتھ رکھتے تھے۔میں جب جماعت چہارم کی طالبہ تھی، ایکشادی میں لاہور آئی تھی اور ابا جان کی انگلی تھامے انار کلی بازار میں گھومتی پھری تھی تب ایک گڑیا پسند آنے پرامی جان کے منع کرنے کے باوجود انہوں نے مجھے وہ گڑیا خرید دی تھی۔ مال روڈ فیروز سنز پر پہلی بار میں ابا جانکا ہاتھ تھامے داخل ہوئی تھی جہاں سے میں نے پہیلیوں کی کتابیں اور کچھ رسائل خریدے تھے۔ میں اب بھی جب کبھیمال روڈ سے گزروں تو وہ لمحے میرے ساتھ ساتھ چلتے ہیں،وہ پل میرے دل میں ہمیشہ آباد رہتے ہیں کہ یاد گلی کبھیبند نہیں ہوتی۔ابا جان کا ساتھ چھوٹے تو اب پانچ دہائیاں ہونے کو آئیں مگر ان کی یاد دل کے نہاں خانوں میںاب بھی آبادہے۔ وہ گھر ،وہ گاو¿ں،وہ سر سبز شاداب منظر تو اب قصہ پارینہ ہوئے مگر اباجان کی محبت و شفقت اب بھی اپنے آسپاس محسوس ہوتی ہے ۔آج ان کی برسی ہے اور مجھے یہ شعر یاد آ رہا ہے : ان کے ہونے سے بخت ہوتے ہیں باپ گھر کا درخت ہوتے ہیں رب کریم میرے ابا جان کو بہشت کے باغوں میں جگہ دے ۔ان کے درجات بلند کرے ۔آمین۔
