(عبدالباسط علوی)

امریکی اور اسرائیلی مشترکہ کارروائی میں علی خامنہ ای کی شہادت کے بعد مشرق وسطیٰ ایران اور عرب دنیا کے درمیان ایک وسیع پیمانے کی جنگ کے خطرناک حد تک قریب پہنچ گیا تھا۔ تہران نے جوابی کارروائی کرتے ہوئے خلیج بھر میں عرب سرزمین پر قائم امریکی اڈوں پر میزائلوں اور ڈرونز کی بوچھاڑ کر دی جس نے سعودی عرب جیسے ممالک کو اپنی مرضی کے خلاف اس تنازع میں گھسیٹ لیا۔ حملوں کے ان دنوں کے دوران پرنس سلطان ایئر بیس جیسی سعودی تنصیبات کو نشانہ بنایا گیا اور ریاض میں غصے کی لہر اس وقت شدید ہو گئی جب چین کی ثالثی میں ایران کے ساتھ ہونے والی سابقہ مفاہمت مکمل طور پر ختم ہو گئی۔ ایران نے اپنے سپریم لیڈر کے قتل کو اسلامی جمہوریہ پر براہ راست حملہ قرار دیا اور پورے خلیج میں امریکی فوجی ڈھانچے کو نشانہ بنا کر یہ پیغام دیا کہ وہ امریکہ اور امریکی افواج کی میزبانی کرنے والی خلیجی ریاستوں کے درمیان کوئی فرق نہیں کرے گا جس سے سعودی توانائی کی تنصیبات، ریفائنریز اور فوجی مقامات خطرے میں پڑ گئے۔ جیسے جیسے ایک وسیع تر فرقہ وارانہ جنگ کے خدشات بڑھتے گئے تو الاقوامی ثالثی غیر مؤثر ثابت ہوئی کیونکہ اقوام متحدہ کو بڑی حد تک نظر انداز کر دیا گیا۔ امریکہ خود اس تنازع کا حصہ تھا اور چین کا اثر و رسوخ اس خلیج کو پاٹنے میں ناکام رہا۔ اس خلا میں پاکستان فیلڈ مارشل سید عاصم منیر کی فوجی قیادت اور اسحاق ڈار کی سفارتی کوششوں کے ساتھ آگے بڑھا جنہوں نے اس بات کو بھانپ لیا تھا کہ نہ تو ایران اور نہ ہی سعودی عرب حقیقت میں ایک مکمل جنگ چاہتے ہیں بلکہ انہیں اس تناؤ کو کم کرنے کے لیے ایک قابل اعتماد ثالث کی ضرورت ہے۔

اسحاق ڈار نے ایرانی وزیر خارجہ عباس عراقچی کے ساتھ شٹل ڈپلومیسی کا آغاز کیا اور خبردار کیا کہ سعودی عرب کے ساتھ پاکستان کا ستمبر دو ہزار پچیس کا اسٹریٹجک دفاعی معاہدہ دونوں ریاستوں کو اس بات کا پابند بناتا ہے کہ کسی ایک کے خلاف جارحیت کو دونوں کے خلاف جارحیت تصور کیا جائے گا جس کے پیچھے پاکستان کی بڑی فوج اور ایٹمی ڈیٹرنٹس کی طاقت موجود ہے، جبکہ ساتھ ہی انہوں نے اس بات کی سعودی ضمانت حاصل کر کے ثالثی کی پیشکش بھی کی کہ سعودی سرزمین ایران پر امریکی یا اسرائیلی حملوں کے لیے استعمال نہیں ہوگی۔ تہران نے اس پر مثبت ردعمل دیا اور پاکستان سے یہ یقین دہانی حاصل کرنے کا مطالبہ کیا جو اسحاق ڈار نے کامیابی سے حاصل کر لی جس کے نتیجے میں ایران نے سعودی عرب پر اپنے حملوں کو منسوخ کر دیا۔ اس کے بعد فیلڈ مارشل عاصم منیر نے ذاتی طور پر ریاض کا سفر کیا جہاں ان کا شاندار استقبال کیا گیا اور انہوں نے مشترکہ اسٹریٹجک دفاعی معاہدے کے فریم ورک کے تحت سعودی وزیر دفاع خالد بن سلمان اور اعلیٰ فوجی و انٹیلی جنس حکام کے ساتھ تفصیلی بات چیت کی جو کہ دیرینہ فوجی تعاون کی ایک ایسی رسمی شکل ہے جو پاکستان کی ایٹمی چھتری کو مؤثر طریقے سے سعودی عرب تک پھیلا دیتی ہے۔ اس کے بعد جاری ہونے والے محتاط الفاظ پر مبنی بیان میں ایرانی حملوں کا اعتراف کیا گیا لیکن ایران کو ایک برادر ملک قرار دیتے ہوئے تدبر کی تلقین کی گئی جو ریاض کے ساتھ حملوں کو روکنے اور تناؤ میں کمی کے فریم ورک کو برقرار رکھنے کے اقدامات پر ہم آہنگی کے ساتھ ساتھ پاکستان کے متوازن کردار کی عکاسی کرتا ہے۔ پاکستانی اور ایرانی فوجی قیادت کے درمیان مسلسل رابطے نے جلد ہی نتائج برآمد کیے اور ایرانی حکام مذاکرات کی طرف مائل ہو گئے جس کے نتیجے میں بالآخر سعودی عرب سے حملوں پر باضابطہ معذرت کی گئی اور سعودی سرزمین پر مزید حملے نہ کرنے کا عہد کیا گیا جس سے ایران سعودی تعلقات مؤثر طریقے سے بحال ہوئے اور ایک وسیع تر جنگ ٹل گئی۔ سعودی عرب نے اس معذرت کو اپنے صبر اور پاکستان پر اعتماد کی توثیق قرار دیا جبکہ ایران کو امریکہ، اسرائیل اور ممکنہ طور پر خلیجی ریاستوں کے خلاف کثیر الجہتی جنگ سے بچنے کے لیے مہلت مل گئی۔ فیلڈ مارشل عاصم منیر کی ذاتی مداخلت جس میں فوجی ساکھ، تزویراتی وژن اور دونوں اطراف کے ساتھ قابل اعتماد تعلقات شامل تھے، ایک ایسے کلیدی عنصر کے طور پر سامنے آئی جس نے سفارت کاری کو ایک پابند معاہدے میں بدل دیا اور ایران کو اپنی ساکھ بچاتے ہوئے تناؤ کم کرنے کا راستہ فراہم کیا جبکہ پاکستان کے مفادات کا تحفظ، سعودی سلامتی کو یقینی اور خطے کو مستحکم بنایا۔
یہ سفارتی فتح فوری طور پر دشمنی کے خاتمے سے کہیں آگے تک پھیلی ہوئی ہے کیونکہ اس نے خطے کے تزویراتی ڈھانچے کو بنیادی طور پر نئی شکل دی ہے اور اسلامی دنیا میں امن و استحکام کے لیے پاکستان کی حیثیت کو ایک ناگزیر طاقت کے طور پر بلند کر دیا ہے۔

چند دنوں کے عرصے میں پاکستان نے ثابت کر دیا کہ اس کے پاس وہ کچھ ہے جو کوئی دوسرا ملک پیش نہیں کر سکتا یعنی فوجی ساکھ، سفارتی مہارت اور تزویراتی آزادی کا وہ منفرد امتزاج جو اسے محض ایک آلہ کار سمجھے جانے کے بجائے تمام فریقین کے سامنے سچ بولنے کی اجازت دیتا ہے۔ جب پاکستان نے ایران کو خبردار کیا کہ سعودی عرب کے ساتھ اس کا دفاعی معاہدہ حقیقی ہے اور اس کا پاس رکھا جائے گا تو ایرانیوں نے اس انتباہ کو سنجیدگی سے لیا کیونکہ وہ جانتے تھے کہ پاکستان کی فوج اپنے وعدوں کو پورا کرنے کی صلاحیت اور ارادہ دونوں رکھتی ہے۔ جب پاکستان نے ایران کو یقین دلایا کہ سعودی عرب کو حملوں کے لیے لانچ پیڈ کے طور پر استعمال نہیں کیا جائے گا تو ایرانیوں نے اس یقین دہانی کو قبول کیا کیونکہ وہ جانتے تھے کہ پاکستان ریاض میں اتنا اثر و رسوخ رکھتا ہے کہ ایسی ضمانت کو بامعنی بنا سکے۔ ساکھ اور اعتماد کا