ویرات کوہلی بھارت کے فٹ ترین کرکٹر نہ رہے

198
فائل فوٹو
فائل فوٹو

ویرات کوہلی بھارت کے فٹ ترین کرکٹر نہ رہے کیونکہ شبمن گل نے فٹنس میں ویرات کوہلی کو پیچھے چھوڑ دیا ہے۔

بھارتی میڈیا کے مطابق شبمن گل کا یویو ٹیسٹ میں اسکور 18.7 آیا ہے جبکہ ویرات کوہلی نے سوشل میڈیا پر اپنا رزلٹ 17.2 بتایا تھا۔

بھارتی میڈیا کے مطابق ایشیا کپ کی تیاری کے لیے لگائے جانے والے کیمپ میں بھارتی کرکٹرز کے یویو ٹیسٹ لیے گئے تھے جس میں شبمن گل کا سب سے بہتر رزلٹ آیا۔

رپورٹس کے مطابق یویو ٹیسٹ میں کٹ آف لیول 16.5 اسکور رکھا گیا تھا۔

بھارتی میڈیا کے مطابق شبمن گل کے علاوہ دیگر کھلاڑیوں کا رزلٹ 16.5 سے 18 کے درمیان رہا جبکہ جسپرت بمراہ سمیت پانچ کرکٹرز کے یویو ٹیسٹ ابھی ہونا باقی ہیں۔

واضح رہے کہ ویرات کوہلی نے اپنے یویو ٹیسٹ کا رزلٹ سوشل میڈیا پر بتایا تھا جس کے بعد بھارتی بورڈ نے زبانی طور پر کھلاڑیوں کو وارننگ دی تھی اور رزلٹ پوسٹ کرنے سے منع کیا تھا۔

جواب چھوڑیں

آپ کا ای میل ایڈریس شائع نہیں کیا جائے گا.