حکام کا دعویٰ ہے کہ بلوچستان کے سرحدی ضلع چاغی میں سکیورٹی فورسز کی ایک کارروائی کے دوران کالعدم تنظیم کے دو اہم کن مارے گئے جبکہ ایک ملزم نے گرفتاری دے دی۔

ہلاک ہونےوالوں میں ایک کی شناخت بلوچ سٹوڈنٹس آرگنائزیشن (پجار) کے سابق چیئرمین اور وکیل زبیر احمد بلوچ کے نام سے ہوئی ہے۔

زبیر بلوچ کی ہلاکت کی خبر نے ان کے کئی سابق ساتھیوں اور جاننے والوں کو حیران کردیا جو انہیں ایک وکیل اور ماضی کے ایک سرگرم طالب علم رہنما کے طور پر پہچانتے تھے۔