قدرت

وہ یکدم کھل کر مسکرایا،
مجھے حیرت ہوئی،
ابھی تکلیف سے کراہ رہا تھا،
اور اچانک مسکرانے لگا۔۔۔
باٹو کو اسکن الرجی ہو گئی،
ہر طرح کی احتیاط،
امپورٹڈ کریم، لوشن، ادویات میسر،
پھر بھی نا جانے کیوں اس کو شدید الرجی ہو گئی۔۔۔۔
مسکرانے کی وجہ کیا ہے؟
میں نے باٹو سے پوچھا۔
اس نے ایک جانب اشارہ کیا،
نوجوان کوڑے کے ڈھیر سے کام کی چیزیں تلاش کر رہا تھا،
بناء کسی احتیاط کے،
مگر جلد صاف شفاف تھی۔۔۔۔
دنیا کا ہر نظام اور احتیاط قدرت کو اپنا رنگ دکھانے سے نہیں روک سکتا،
باٹو مسکرا کر بولا۔