اسلام آباد: پی ٹی آئی کابلے کاانتخابی نشان برقرار رہے گا یا نہیں ، الیکشن کمیشن نے پاکستان تحریک انصاف کے انٹرا پارٹی انتخابات کیس سے متعلق فیصلہ محفوظ کرلیا۔
الیکشن کمیشن نے پی ٹی آئی وکلا کی جانب سے دلائل کےلئے مزید وقت دینے کی استدعا مسترد کرتے ہوئے کہاکہ کورونا کے باعث پی ٹی آئی کو انٹرا پارٹی الیکشن کرانے کیلئے ایک سال کا وقت دیا۔
پاکستان تحریک انصاف کے انٹرا پارٹی الیکشن کیس کی سماعت نثار درانی کی سربراہی میں الیکشن کمیشن کے 4 رکنی کمیشن نےکی ، پاکستان تحریک انصاف کے وکیل بیرسٹر علی گوہر الیکشن کمیشن میں پیش ہوئے۔