سو لفظوں کی کہانی *تیاری*

ہمیشہ حیران کن منظر دیکھا،
کہ جب بھی باقی سب کامیابیاں حاصل کرنے پر خوشیاں منا رہے ہوتے،
تو دوسو صرف مسکراہٹ سے کام چلاتا۔۔۔۔
باقی دعوتیں کرتے،
ہَلا گُلا ہوتا،
دوسو ساتھ تو دیتا لیکن خوشی منانے میں زیادہ جوش نہیں دکھاتا۔۔۔۔
دوسو خوشیاں منانے میں بخل سے کام لیتا ہے، سب کی یہی رائے تھی۔
کیا تمہیں کامیابی پسند نہیں؟
میں نے پوچھا۔
بالکل پسند ہے، دوسو نے جواب دیا۔
تو خوشی باقیوں کی طرح کیوں نہیں مناتے، پھر سوال پوچھا۔
تا کہ خوشی کے بعد کی آزمائش زیادہ محسوس نہ ہو،
اس نے مسکرا کر جواب دیا۔