احساس کے انداز
تحریر ؛۔ جاویدایازخان
میں نے پچھلے سال سیرت نبی پر مختلف اخبارات و رسائل میں کئی کالم اور مضمون لکھے جو شائع بھی ہوے جن میں “محسن انسانیت ” ،مرحبا یا رسول اللہ ” اور” نعت کائنات اور عشق رسول” شامل تھے ۔میرے کالموں کے ایک باقاعدہ قاری اور میرے ایک قریبی دوست نے جب میرا کالم “نعت کائنات اورعشق “رسول پڑھا تو مجھے لکھ بھیجا کہ آپ کی تحریروں میں جس تیزی اور شدت سے میں آپکی رسول خدا کی جانب لگاو اور بےقراری کی بڑھتی ہوئی کیفیت محسوس کر رہا ہوں لگتا ہے کہ در مصطفیٰ پر آپ کی حاضری کو عرصہ گزر چکا ہے۔ آپ عمرے کا ارادہ کریں اور اپنی عقیدت کے یہ آنسو دیار نبی میں پیش کرآئیں ۔تو میں نے انہیں یہ شعر لکھ بھیجا ” کاش میں انہیں بتا سکتا کہ حاضری روزہ رسول تو ہر مسلمان کی زندگی میں اس کی سب سے بڑی خواہش ہوتی ہے۔ لیکن شرف باریابی کسی کسی خوش قسمت کو ہی حا صل ہو پاتا ہے ۔ورنہ در ےُحضور ؐ سے فیضان باراں کی طلب کہاں اور کسے نہیں ہوتی ہےفرشتے ہوںیا انسان دیدار مدینہ سے سرفراز ہونے کی خواہش اور تڑپ کس دل میں نہیں مچلتی ہے ۔ میں اک تشنہ دیدار بھی مدت سے اک کاسہ چشم لیے منتظر تھا کہ شاید ایک مرتبہ پھر مری باری آ جاےُ !
ہم میں ہی کچھ کمی ہے جو باربار روۓ
ورنہ تو وہ بلا لیں جو ایک بار روۓ
میں اپنی انسانی کمی کوتاہی تو دور نہ کر سکا لیکن شاید میرے پیارے نبی ؐ کومیرا یہ بار بار رونا پسند آگیا یا پھر میری آہ وزاری پر رحم عطا ہوا اور میری خواہشات اور دعاوُں کو قبولیت کا شرف حاصل ہو گیا ا۔ور مجھے سرکار کی چوکھٹ پر سر رکھنے کے لیے حکم باریابی عطا ہوا ۔سوے مدینہ روانگی کے اسباب اور حضورکی بارگاہ سے بلاو ا فیضان رحمت کسی پر بڑے خصوصی کرم سے کم نہیں ہوتا ہے ۔تو مجھے حضور کے فیضان باراں کا واقعہ یاد آگیا ۔ جناب ابوطالب علیہ السلام نے رسول خدا صلی الله علیہ وآلہ وسلم کی پرورش اور حفاظت کے سلسلے میں جو خدمات انجام دی ہیں وہ ‘اپنی مثال آپ’ ہیں۔ بلکہ خود اللہ تعالیٰ نے ان کیخدمات کا ذکر اپنی کتاب قرآن مجید میں فرمایا ہے۔ سورہ بلد اور سورہ والضحیٰ کی تفاسیر میں جناب ابوطالب کی نصرت و جاں نثاری کا ذکر ملتا ہے۔ آپؑ نے نہ صرف یہ کہ شمع نبوّت کی حفاظت کی بلکہ حضور پاک کی اس طرح پرورش فرمائ کہ قرآن مین کہا گیا (میرے حبیب) کیا ہم نے آپ کو یتیم پاکر آپ کیسرپرستی نہیں کی؟” جب رسولِ اسلام نے مکہ کی سرزمین پر لوگوں کو اسلام کی دعوت دینا شروع کیا تو مکہ کے تمام قبائل قریش کے چھوٹے بڑے سارے قبیلے رسول الله صلی الله علیہ وآلہ وسلم کے مخالف ہوگئے ۔ اس وقت جناب ابوطالبؑ نے ہی آپؐ پر دست شفقت رکھا اور آپؐ کے ساتھ کھڑے رہے۔ انھیں کی قربانیاں تھیں جس نے اس دور میں بھی شجر اسلام کو مرجھانے سے محفوظ رکھا۔ آنحضرتؐ کی پرورش سے لے کر آپؐ کی تبلیغ کے دوران اور پھر شعبِ ابوطالب میں ہر مقام پر جناب ابوطالبؑ کی خدمات نظر آتی ہیں۔ اتنا ہی نہیں بلکہ جناب ابوطالب اپنے بھتیجے سے بہت زیادہ محبت کرتے تھے۔ تاریخبتاتی ہے کہ متعدد مواقع پر آپؑ نے اپنے بچوں کی زندگی کو خطرے میں ڈال کر آنحضرتؐ کی جان بچائ ہے۔ ان کی اس محبت کا اندازہ ان اشعار سے بھی ہوتا ہے جو آپ نے اپنے بھتیجے اور ان کے نیک مشن کے لئے کہے ہیں۔ دنیا کے پہلے نعت فرمانے والے آپ کے چچا حضرت ابو طالب ؒ کا وہ واقعہ تاریخ کاحصہ ہے ۔جس نے انہیں دنیا میں پہلےنعت گو ہونے کا شرف عطا کر دیا تھا “دیوان ابوطالب” میں ان کی بےشمار نعتیں پڑھنے کی سعادت حاصل ہوچکی ہے لیکن یہ نعت ایک خاص واقعے کے بارے میں لکھی گئی ہے ۔میں اپنے سابقہ مضمون “نعت کائنات اور عشق رسول “میں یہ نعت شامل نہ کر سکا تھا ۔ابنعساکر نے حضرت جلہمہ بن عرفط رضی اللہ تعالی عنہ سے روایت کی ہے کہ میں مکہ آیا ،تو لوگ قحط سے دوچار تھے ۔ اہل قریش پریشان تھے ۔وہ حضرت ابو طالب کی خدمت میں حاضر ہوے اور کہا : اے سردار مکہ ابو طالب ! وادی قحط کا شکار ہے ، بال بچے کال کی زد میں ہیں ہمارے لیئے دعا فرمادیجئے ۔ ابوطالب ایک بچہ لے کر برآمد ہوئے ، وہ بچہ ابرآلود سورج معلوم ہوتا تھا ۔ جس سے گھنا بادل ابھی ابھی چھٹا ہو، اس کے اردگرد اور بھی بچے تھے۔ ابو طالب نے اس بچے کا ہاتھ پکڑ کر اس کی پیٹھ کعبہ معظمہ کی دیوار سے ٹیک دی ۔ بچے نے انگلی پکڑرکھی تھی اس وقت آسمان پر بادل کا ایک ٹکڑا نہ تھا ۔ لیکن(دیکھتے دیکھتے ) ادھر سے بادل کی آمد شروع ہوگئی اور ایسی موسلا دار بارش ہوئی کہ وادی میں سیلاب آگیا اور شہر و بیاباں شاداب ہوگئے ابو طالب نے اس بچے کا ہاتھ پکڑ کر اس کی پیٹھ کعبہ معظمہ کی دیوار سے ٹیک دی ۔ بچے نے انگلی پکڑرکھی تھی اس وقت آسمان پر بادل کا ایک ٹکڑا نہ تھا ۔ لیکن (دیکھتے دیکھتے ) ادھر سے بادل کی آمد شروع ہوگئی اور ایسی موسلا دار بارش ہوئی کہ وادی میں سیلاب آگیا اور شہر و بیاباں شاداب ہو گئے۔ بعد ہی حضرت ابو طالب ؒنے اسی واقعے کی طرف اشارہ کرتے ہوئے ﷺ محمد ﷺ کی مدح میں کہا تھا ۔ نعت اور مدحت ررسول میں یہ شعر تاریخ میں ہمیشہ کے لیے رقم ہو گیا ۔تماممورخ ،محقق ،اور محدث اس امر پرمتفق ہیں کہ شان رسالت میں اولین نعتیہ کلام ختمی مرتبت کے کفیل حضرت ابو طالبؒ نے ارشاد فرمایا وہ عربی ادب کا عظیم سرمایہ ہے ۔
وابیض یستسقی الغمام بوجھ
ثمال الیتامیٰ عصمۃ للارامل
یلوذبہ الہلاکمن آل ہاشم
فہم عندہ من نعمتہ فواضل
ووزان صدق وزنہ گیر بائل
” (وہ نورانی چہرہ جس کا واسطہ دے کر پانی طلب کیاجاتاہے ، وہ یتیموں کا فریادرس اور بیواؤں کی پناہ گاہ ہے،بنی ہاشم کے فقراء اسی کی پناہ حاصل کرتے ہیں اوراسی کے پاس ناز و نعمت کے لئے زیادہ جاتے ہیں،وہ عدالت کی ایسی میزان ہے جس کا وزن ایک بال کے برابر بھی خطا نہیں کرتا اور اس کا وزن سچا وزنہے جس میں جھوٹا دعویٰ نہیں کیا گیا ہے)
نجات صرف تری پیروی میں ہے مضمر
زمانے بھر کو یہ ادراک ہونے والا ہے
مجھے نہیں ہے کسی گمرہی کا اندیشہ
ترا چراغ ہدایت مرا حوالہ ہے
جب تک دیدار روضہ رسول نہ ہو طلب رہتی ہے اور جب ایک مرتبہ حاضری ہو جاۓ پھر وہ طلب تڑپ میں بدل جاتی ہے ۔میں پوری زندگی میں طلب ہی طلب ہی رہا اور وہ عطا ہی عطا کرتے چلے گئے میں خواہش پہ خواہش کرتا رہا وہ خواہش پوری کرتے رہے میری خواہشات بڑھتی گیں تڑپ بڑھتی ہیچلی گئی اور ان کی باران رحمت کی عطا بھی بے حساب برستی رہی ۔اس مرتبہ پیرانہ سالی کے جسمانی و مالی کمزور لمحات میں بھی وہی باران رحمت پھر مجھ گناہ گار پر بھی خوب خوب برسا اور اذن باریابی بار بار عطا ہوا ہے۔ ہر بار جھولی پھیلاے سوے مدینہ پہنچا اور سجدہ شوق عطا ہوا مرادیں بر لائیں ۔ آجپھر جشن آمد رسول ہے عید میلاد النبی کی دھوم ہے ایسے میں یہ جذبہ اور بھی سوا ہو جاتا ہے خواہش دیدار روضہ رسول اور بھی بڑھنے لگتا ہے ۔نہ طلب میں ہی کمی ہے اور نہ تڑپ ہی ساتھ چھوڑتی ہے ۔بے شک میری ہر بات بن گئی ہے آقا دوجہاں تیری بات کرتے کرتے ۔ورنہ کہاں میں اور کہاں بار بارحاضری روضہ رسول کی سعادت ہے ؟شوق دیدار بھی عجب ہوتا ہے جوں جوں زندگی ختم ہونے لگتی ہے توں توں تڑپ اور خواہش دیدار بڑھنے لگتی ہے ۔میں ایک بار پھر امید کا دامن پکڑے حاضری کی امید لگاۓ شرف باریابی اور سلام پیش کرنے کا منتظر ہوں ۔میرے بس میں تو صرف خواہش اور ارادہ کرناہوتا ہے وہ ہر دم کرتا رہتا ہوں ۔بقول نیازکوکب مرحوم
کیا خوب فضا ہوگی منظر بھی بڑا ہو گا
جب روضہ اطہر پر کوکب بھی کھڑا ہوگا
طیبہ ہو اگر جانا کوکب کو بھی لے جانا
شیدا ۓ مدینہ ہے راہوں میں پڑا ہو گا
”