قومی کرکٹ ٹیم کے سابق کھلاڑی اور سوئینگ کے سلطان وسیم اکرم کی اپنے بیٹے کے ہمراہ نئی تصویر سوشل میڈیا پر وائرل ہوگئی۔
فوٹو اینڈ شیئرنگ ایپ انسٹاگرام پر سوئینگ کے سلطان وسیم اکرم نے اپنے بیٹے کے ہمراہ تصویر شیئر کی ہے جس میں دونوں کو خوشگوار موڈ میں دیکھا جاسکتا ہے۔
وسیم اکرم نے بیٹے اکبر اکرم کے ہمراہ تصویر شیئر کرتے ہوئے بتایا ہے کہ وہ آسٹریلیا کے ٹاؤن پورٹ ڈگلس میں بیٹے کے ساتھ سیر سپاٹے کررہے ہیں۔
اس تصویر میں باپ بیٹا بالکل ایک دوسرے کی کاپی نظر آ رہے ہیں، تصویر کو اب تک لاکھوں صارفین لائیکس کر چکے ہیں جبکہ دلچسپ تبصروں کا سلسلہ بھی جاری ہے۔
یاد رہے کہ لیجنڈری کھلاڑی وسیم اکرم کے پہلی مرحومہ اہلیہ ہما سے 2 بیٹے تیمور اور اکبر ہیں جبکہ دوسری اہلیہ شنیرا اکرم سے 1 بیٹی ہے۔