وزیراعظم میاں محمد شہباز شریف کی قیادت میں قوم نے 79واں جشن آزادی کئی اعتبار سے زیادہ جوش وجذبے سے منا یا و زیراعظم میاں محمد شہباز شریف نے نہ صرف ملک کومعاشی ڈیفالٹ سے بچایابلکہ اس کواقتصادی ترقی کی شاہراہ پرگامزن کیا۔
اس موقع پر اپنے پیغام میں انہوں نے کہا کہ
قوم کو آزادی کے 78 سال مکمل ہونے پر مبارکباد دیتے ہوئے کہا ہے کہ معرکہ حق اور آپریشن بنیان مرصوص نے پاکستانی قوم کے دل میں ایک نئی امنگ اور جذبہ بیدار کر دیا ہے اور آزادی کی خوشیاں دوبالا ہو گئی ہیں۔
صدر اسلامی جمہوریہ پاکستان آصف علی زرداری نے آزادی کی 78ویں سالگرہ کے موقع پر پیغام میں کہا کہ آج ہم اپنے عظیم قائد قائد اعظم محمد علی جناحؒ اور تحریک پاکستان کے تمام کارکنان کو خراجِ عقیدت پیش کرتے ہیں جن کی کاوشوں اور قربانیوں نے اس خواب کو حقیقت بنایا، اس سال ہم یوم آزادی بڑے افتخار اور ایک تازہ امید کے ساتھ منا رہے ہیں۔
صدر مملکت نے کہا کہ حال ہی میں ہماری قوم نے بیرونی جارحیت کے جواب میں اپنی طاقت، عزم اور اتحاد کا مظاہرہ کیا، معرکہ حق اور آپریشن بنیان مرصوص میں ہماری فتح ہماری تاریخ کا ایک سنہری باب ہے۔
ان کا کہنا تھا کہ بھارت کی بلاجواز جارحیت کے جواب میں ہم نے تحمل، حکمت اور بھرپور قوت سے اپنے وطن کا دفاع کیا، دنیا نے دیکھا کہ پاکستان امن چاہتا ہے، مگر اپنی خودمختاری اور علاقائی سالمیت کے تحفظ کی مکمل صلاحیت رکھتا ہے۔
آصف زرداری نے کہا کہ یہ فتح ہمارے عوام کے لیے نئے اعتماد کا ذریعہ بنی ہے، اس نے قوم کے حوصلے بلند کیے، اداروں پر اعتماد مزید مضبوط کیا اور پاکستان کے عالمی مقام کو مزید مستحکم کیا۔
انہوں نے کہا کہ آج دنیا پاکستان کو ایک ایسے ملک کے طور پر دیکھتی ہے جو امن کا خواہاں ہے مگر دباؤ کے آگے نہیں جھکتا، لیکن یہ لمحہ صرف عسکری کامیابی نہیں، بلکہ اس امر کی بھی یاددہانی کراتا ہے کہ جب ہم متحد، یکسو اور ایک مشترکہ مقصد کے لیے پرعزم ہوں تو ہم ہر شعبے میں کامیابی حاصل کر سکتے ہیں۔
صدر مملکت نے کہا کہ اب ہمیں اسی جذبے کو اپنی معاشی بحالی، تعلیمی اصلاحات، تکنیکی ترقی، ادارہ جاتی اصلاحات اور ماحولیاتی تحفظ کی جانب لگانا ہوگا، یہی نظم، جرات اور حکمت جو بھارت کے خلاف حالیہ کامیابی کا باعث بنی، ہمیں غربت کے خاتمے، عوام کے لیے مواقع پیدا کرنے اور ایک منصفانہ اور ہمہ گیر معاشرہ قائم کرنے میں بھی کامیابی سے ہمکنار کر سکتی ہے۔
ان کا کہنا تھا کہ اس دن ہم بھارتی زیر قبضہ جموں و کشمیر کے عوام کے ساتھ اظہار یکجہتی بھی کرتے ہیں، ان کی جرات، انصاف اور حق خود ارادیت کی جدو جہد ہمارے دل کے قریب ہے۔
انہوں نے کہا کہ پاکستان ان کے حق خودارادیت کے حصول تک کشمیریوں کو غیر متزلزل سفارتی، اخلاقی اور سیاسی حمایت فراہم کرتا رہے گا۔
آصف علی زرداری نے کہا کہ آئیے، اس یوم آزادی کو اپنی تاریخ کا ایک نیا باب بنا کر اور اپنے اختلافات سے بالاتر ہو کر ایک ایسے پاکستان کے لیے متحد ہوں جو انصاف، مساوات، ایمان اور خدمت خلق پر قائم ہو، اللہ تعالیٰ ہمارا حامی و ناصر ہو،
وزیراعظم نے کہا کہ گزرے 78 سال آزمائش آمیز سفر، اللہ پر کامل یقین اور تابناک مستقبل کی امید کی کہانی ہے جس میں ہمیں بطور قوم کئی مشکل مراحل سے گزرنا پڑا، لیکن اس سب کے باوجود پاکستان نے ہر شعبے میں کامیابیوں اور کامرانیوں کے کئی سنگ میل عبور کئے ہیں، معیشت سے کھیل کے میدانوں اور دفاع سے آئی ٹی تک، ہر شعبے میں، پاکستانیوں نے اپنی بے مثال عزم وہمت اور علم وہنر کے باب رقم کئے ہیں۔
ان کا کہنا تھا کہ بھارت کی مسلط کردہ جنگ، 6 سے 10 مئی 2025 کے دوران، معرکہ حق میں پاکستان کی عظیم فتح نے 79ویں یوم آزادی کی نہ صرف اہمیت میں اضافہ کر دیا ہے بلکہ پاکستانیوں کے دل میں ایک نئی امنگ اور جذبہ بھی بیدار کردیا ہے جس سے جشن آزادی کی خوشیاں دوبالا ہوگئی ہیں۔
شہباز شریف نے کہا کہ اللہ تعالی کے فضل سے بھارت کے اس حملے میں اپنی تابندہ روایات دہراتے ہوئے ہماری بہادر مسلح افواج نے بنیان مرصوص بن کر دشمن کے غرور کا بت پاش پاش کر دیا، ہمارے شیروں اور شاہینوں کی عسکری مہارت، بہادری اور جذبہ ایمانی نے دشمن کو چند گھنٹوں میں ہی گھٹنے ٹیکنے پر مجبور کردیا، آزادی کی ٹھنڈی چھائوں فراہم کرنے والے شہدا کو خراج عقیدت پیش کرتے ہوئے ان کے درجات کی بلندی کی دعا کرتے ہیں۔
انہوں نے کہا کہ یہ صرف عسکری فتح نہیں تھی بلکہ دوقومی نظریے کی صداقت کی بھی جیت تھی جو وطن عزیز کی اساس ہے، ہم اپنے دفاع اور آبی وسائل سمیت قومی مفادات کے تحفظ کے لیے اسی جذبے سے آگے بڑھتے رہیں گے۔
دنیا جانتی ہے کہ شہباز شریف کی قیادت میں پاکستان کی مسلح افواج نے اللہ کے فضل وکرم سے بھارت کو پچھاڑ کر رکھ دیا۔ بھارت کیخلاف آپریشن بنیان مرصوص کے تحت معرکہ حق میں پاکستان کی مسلح افواج کی فتح نے آزادی اور اس کے جشن کی اہمیت بڑھا دی ہے اور قوم کو سمجھا بھی دی ہے۔معرکہ حق میں جس طرح پاکستانی مسلح افواج نے بھارت کو بدترین شکست دی، اس کی خوشی میں آج پوری قوم اپنا جشن منا رہی ہے۔ معرکہ حق بنیان مرصوص میں پاکستان کی فتح ہمارے عزم، بہادری اور قربانیوں کی روشن علامت ہے۔سپہ سالار فیلڈ مارشل سید عاصم منیر کی قیادت میں ہماری بہادر مسلح افواج نے تحفظ آزادی کی تاریخ میں سنہری باب کا اضافہ کیا۔ قوم نے اپنی بہادر مسلح افواج کے ساتھ مل کر ثابت کیا کہ ہم اپنی آزادی کی حفاظت کرنا جانتے ہیں۔
معرکہ حق میں فتح کے بعد آج پاکستانیوں کاسر فخر سے بلند ہے اور ہم سینہ تان کر کہہ سکتے ہیں کہ ہم ایک آزاد ملک کے شہری ہیں۔ ہمارے گلے میں، ہاتھوں اور پیروں میں غلامی کی زنجیریں نہیں پہنی ہوئیں، ہمارے